ابنا:صہيونی رياست کے ہاتھوں اس چھ روزہ جنگ میں عرب حکومتوں کی شکست اور بعض عرب حکومتوں کے صہيونی رياست سے مرعوب ہو جانےکے باوجود عرب اقوام اور فلسطینی باشندوں نے نہ صرف صہيونی رياست کی پالیسیوں کو ہرگز قبول نہیں کیا بلکہ ہمیشہ اس غاصب حکومت کے مقابلے میں ثابت قدمی اور استقامت جاری رکھنے پر تاکیدکی ہے۔
ان دنوں صہيونی رياست کے قبضے کی مذمت کی مناسبت سے صیہونیوں کے خلاف فلسطینی عوام کے مظاہروں کا سلسلہ ایسی حالت میں جاری ہے کہ جب فلسطین کے جہادی گروہ بھی فلسطینیوں کے حقوق کی بازیابی اور ان کے ملک کو صہيونی رياست کے قبضے سے آزاد کرانے پر تاکید کر رہے ہیں۔ اس سلسلے میں فلسطین کی اسلامی مزاحمتی تحریک حماس نے فلسطینی پناہ گزینوں کی وطن واپسی کے حق پر تاکید کی ہے۔ اس سلسلے میں حماس کے ایک سینئر رکن محمود الزھار نے کہا ہے کہ فلسطینی سرزمین فلسطینیوں کا حق ہے اور قابضوں کو اس سرزمین سے نکل جانا چاہۓ۔ صہيونی رياست کے قبضے کے نتیجے میں تقریبا پانچ ملین فلسطینی اپنے گھربار چھوڑ کر دنیا کے دوسرے علاقوں میں زندگی گزار رہے ہیں۔
Palestinian National initiativeکے سیکرٹری جنرل مصطفی برغوثی نے بھی فلسطینیوں کے مکمل حقوق کی بازیابی تک ملت فلسطین کی استقامت جاری رہنے پر تاکید کی ہے۔ مصطفی برغوثی نے عالمی برادری سے بھی مطالبہ کیا ہےکہ وہ فلسطینی سرزمینوں پر غاصب صیہونی حکومت کے قبضے کے خاتمے اور فلسطینیوں کو قدس شریف کے دارالحکومت کے ساتھ آزاد فلسطینی مملکت کی تشکیل سمیت ان کے جائز حقوق دلانے کے سلسلے میں اپنی انسانی اور اخلاقی ذمے داریاں پوری کرے۔
مصطفی برغوثی نے تاکید کی ہے کہ ملت فلسطین غاصب اسرائيل کے خلاف اپنی عوامی استقامت کو جاری رکھے گی اور اس حکومت کے تسلط اور منہ زوری کے سامنے کبھی بھی گھٹنے نہیں ٹیکے گي۔
فلسطینی قیدیوں کے امور کے انچارج عبدالناصر فروانہ نےبھی تاکید کی ہے کہ صہيونی رياست فلسطینیوں کی گرفتاریوں اور ان کے خلاف غیر انسانی اقدامات انجام دینے سمیت اپنی تمام تر تشدد آمیز پالیسیوں کے باوجود فلسطینی استقامت کو ناکام بنانے سے متعلق اپنا کوئي ایک ہدف بھی حاصل نہیں کرسکی ہے۔
.......
/169
